Կոռնետ-ԱՄ ՓԲԸ ընդլայնում է  WiMAX  ազգային ցանցի սահմանները

01 հունիսի, 2010թ, Երևան: «Կոռնետ-ԱՄ» ՓԲԸ, որը հանդիսանում է Հայասատնի առաջատար կապի օպերատորներից մեկը, հայտարարում է WiMAX  ցանցի ընդլայնման մասին: 2010 թ.-ի հունիսից Կոռնետ-ԱՄ  WiMAX  ազգային ցանցը ընդգրկում է Քաջարան քաղաքը:

Կոոռնետ-ԱՄ ընկերությունը առաջինը Հայաստանում նախաձեռնեց WiMax անլար լայնաշերտ հասանելիության համակարգի ներդրումը, որի ծածկույթն ընդգրկում է Երևանը և երկրի 18 խոշորագույն քաղաքները (Գյումրի, Վանաձոր, Աբովյան, Աշատարակ, Արտաշատ, Էջմիածին, Արմավիր, Գորիս, Կապան, Սպիտակ, Ալավերդի, Ստեփանավան, Իջևան, Դիլիջան, Սևան. Գավառ, Չարենցավան, Հրազդան): Տեխնոլոգիայի հնարավորությունները ապահովում են ծառայությունների հասանելիությունը բնակավայրերում մինչև 20 կմ շառավղով, ինչն իր հերթին  կարևոր է  նաև գյուղական բնակավայրերի համար:

Ցանցի ընդլայնումը և նոր բազային կայանի տեղադրումը հնարավոր եղավ ի շնորհիվ "Ջի Էն Սի Ալֆա" ՓԲԸ օպտիկական ռեսուրսների  և տեխնիկական աջակցության: "Կոռնետ-ԱՄ" ՓԲԸ  պլանավորում է էլ ավելի  խորացնել  "Ջի Էն Սի Ալֆա" ՓԲԸ հետ փոխշահավետ համագործակցությունը, ինչը հնարավորություն կտա ընկերության դինամիկ զարգամանն ու տրամադրվող ծառայությունների որակի բարձրացմանը:

Կոռնետ-ԱՄ  ընկերությունը  տրամադրում է լայնաշերտ ինտերնետ հասանելիության ծառայություններ, տվյալների փոխանցման, կորպորատիվ ցանցերի կազմակերպման, ինչպես ֆիքսված այնպես էլ անլար տեխնոլոգիաների հիման վրա, թվային տեղական և հեռավոր կապի ծառայություններ: Հեռահաղորդակցական ծառայությունների  տրամադրման համար Կոռնետ-ԱՄ ընկերությունը օգտագործում է ինչպես սեփական, այնպես էլ վարձակալված օպտիկամանրաթելային և ռադիոռելեային կապուղիները: Ընկերության բաժանորդներն են անհատ և կորպորատիվ բաժանորդները, առևտրային և պետական կազմակերպությունները,  կապի այլ օպերատորներ:

2006 թ.-ից Կոռնետ-ԱՄ ընկերությունը միացավ Քոմսթար-Միավորված ՀեռաՀամակարգեր ընկերությունների խմբին և ներկայացնում է նրա շահերը Հայաստանի տարածքում:

Քոմսթար-Միավորված ՀեռաՀամակարգեր ընկերությունւ հանդիսանում է հեռահաղորդակցության ամբողջական ծառայություններ մատուցող խոշորագույն օպերատորը Ռուսաստանում և ԱՊՀ երկրներում: Ընկերության հիմնական բաժնետերը «Սիստեմա» կորպորցիան է  (АФК «Система»):

Քոմսթար-ՄՀՀ ընկերության դուստր ձեռնարկություններն ու մասնաճյուղերը տեխաբաշխված են Ռուսաստանի Դաշնության խոշորագույն շրջաններում, մասնավորապես, Կենտրոնական, Հյուսիս-Արևմտյան, Հարավային, Մերձվոլգյան և Ուրալյան շրջաններում: Ընկերությունն ակտիվներ ունի նաև Ուկրաինայում և Հայաստանում:

Նոր գներ Կոռնետ-ԱՄ-ից

«Կոռնետ-ԱՄ» ընկերությունը տեղեկացնում է  նոր իջեցված սակագների մասին անսահամանափակ երաշխավորված և ոչ երաշխավորված կապուղիների համար:

Տեղեկացնում ենք, որ բոլոր այն բաժանորդների ծառայությունները, ում գործող հավելվածներում արտացոլված են  ներքոնշյալ կապուղիները,  ավտոմատ կերպով վերափոխվում են  ինտերնետային կայքի "Սակագներ" բաժնում ներկայացված «Ասիմետրիկ չերաշխավորված " Պարզ" սակագնային փաթեթի  256/128 կբ/վ ծառայության:
Դրանք են`

• Սիմետրիկ չերաշխավորված " Պարզ" սակագնային փաթեթի   128/128 կբ/վ
• Ասիմետրիկ չերաշխավորված " Պարզ" սակագնային փաթեթի    256/128  կբ/վ
• Ֆիզիկական անձանց համար անսահմանափակ 128/64 կբ/վ
• Ֆիզիկական անձանց համար անսահմանափակ 152/64 կբ/վ
• Ֆիզիկական անձանց համար անսահմանափակ 256/72 կբ/վ

Սա չի վերաբերում այն բաժանորդներին, ովքեր ցանկանում են փոխել իրենց սակագնային փաթեթը կամ արագությունը: Այդ բաժանորդները  համապատասխան փոփոխություններ իրականացնելու համար պետք է դիմեն Կոռնետ-ԱՄ վաճառքի բաժին:

Նոր ծառայությունների և սակագների հետ կարող եք ծանոթանալ վեբ կայքի «Սակագներ» բաժնում: